Page:Burns' popular songs (1).pdf/23

23

Oh, Willie Brewed.

Oh, Willie brewed a peek o' maut,
And Rob and Allan cam to pree:
Three blither hearts that lee-lang night,
Ye wadna find in Christendie.
We are nae fu', we're no that fa',
But just a drappie in our e'e;
The 'cock may eraw, the day may daw,
And aye we'll taste the barley bree.

Here are we met, three merry boys,
Three merry boys, I trow, are we;
And mony a night we've merry been,
And mony mae we hope to be!

It is the moon, I ken her horns,
That's blinkin' in the lift sae hie;
She shines sae bright to wile us hame,
But, by my sooth, she'll wait a wee!

Wha first shall rise to gang awa',
A cuekold, eoward loon is he!
Wha last beside his chair shall fa',
He is the king amang us three!

---

Bruce's Address to his Army.

Scots, who hae wi' Wallace bled,
Scots, wham Bruce has aften led;
Welcome to your gory bed,
Or to victory!

Now's the day and now's the hour;
See the front o' battle lour;
See approach proud Edward's power—
Chains and slavery!