5
he, my name's Jock Sandyman, and they ca' me Simple John the sack weaver. I hae nae tocher but my loom, a pirn-wheel, kettle, pat, a brass pin, twa pigs, four cogs, and a candlestick, a good cock, a cat, twa errocks new begun to lay: my sister, Sara, is married on Sleeky Willy, the wylie weaver, and I maun hae a gudewife or my mither die, for, truly, she's very frail, and ony harl o' health she has is about dinner time; but what say ye till't goodman? can ye buckle me or not?
Goodman.) A dear John, ye're in unco haste, ye wadna hae your wife hame wi' ye? they are a' there before ye, which o' them will ye tak?
Hout, tout, says John, ony o' them will sair me, but my mither says there is twa o' them has fauts. And what is their fauts? says the goodwife. Hout, said John, it's no meikle faut, but I dinna like it, they got men or they were married. And what shall I do with them? said the goodman.
John) A deed, goodman, as ye're ay dealing among dead beasts and living beasts, I wad put them away amang
