6
In it, I fear, ye winna ly; For stoutest hearts has aft been shy, To venture in within the room, After the night begins to gloom ; For in it they can ne'er get rest, ' Tis haunted by a frightful ghaist ; Oursels are terrified a' night, Sae ye may chance to get a sight, Like that which some o' our fowk saw, Far better still ye gang awa', Or else ye'll maybe rue the day. Guide faith, quo' John, I'm thinking sae ; Better into the neuk to sit, Than fla'd, Gude keep's, out o' our wit ; Preserve us ever frae all evil, I wadna like to see the devil! [peace. Whisht gowk, quo' Thrummy, haud your That sanna gar me quit this place; Nor great nor sma' I ne'er did ill, The ghaist nor deil my rest shall spill. I will defy the meikle deil, And a' his warks I wat fu weel; What the sorrow then maks you sae eery? Fling by your fears, and come be cheery, Landlord gin ye'll mak up that bed, I promise I'll be verra glad, Within the same a' night to lie, If that the room be warm and dry.
