22 MAGGY JOHNSTON'S ELEGY.
To tell the truth now, Maggy dang, O cuſtomers fhe had a bang: For lairds an' ſutors a' did thrang, To drink bedeen ; The barn an' yard was aft faé thrang, We took the green,
And there by dizens we lay down, Syne ſweetly ca'd the healths a-roun, To bonny laſſes, black or brown, As we loo'd beſt; In bumpers we dull cares did drown, An' took our reſt.
When in our pouch we found ſome clinks, An' took a turn o'er Bruntsfield Links, Aften in Maggy's, at Hay-jinks, We guzzl'd ſcuds, Till we could ſcarce, wi' hale-out drinks, Caſt aff our duds.
We drank, an' drew an' fill'd again, O wow! but we were blyth an' fain: When ony had their count miſtane, O it was nice, To hear us a' cry pick your bane, An' ſpell your dice.
Fou cloſe we us'd to drink an' rant, Until we did baith glowr and gaunt. An' piſh, an' fpew, an' yelk, an maunt, Right ſwaſh I trow, Then aff auld ſtories we did chant, Whan we were fu'.
Whan
