A secret, forsooth, tauld wi' an open door and voices as loud as twa wives cracking in the lone! And gude be wi' us a'! they war only talking o' what we are a' talking or thinking o' fra' morning till night and fra' Sabbath day till Saturday.
ANDERSON.
And what is that, ne'er-do-weel?
BAWLDRY.
What should it be but witchcraft and the young leddy? But this last bout, I trow, is the strangest bout of a'.
ANDERSON.
What has happened now?
BAWLDY.
As I was passing by the door, I heard Nurse tell the Leddy Annabell how the young leddy was frightened frae her rest, as she lay in her bed, wi' the room darkened.
ANDERSON.
And how was that?
BAWLDY.
Witches cam' into the room, I canna tell how mony o' them, and ane o' them cam' upon the bed, and a'maist smoored her.
