I, 23] Secundum Marcum 3
lend on Galileam, Godes rīces godspell bodiegende,
- and þus cweðende, Witodlīce tīd is gefylled, and heofena rīce genēalǣcð; dōð dǣdbōte, and gelȳfað þām godspelle.
- And þā hē fērde wið þā Gaileiscan sǣ, hē geseah Simonem and Andream his brōðor hyra nett on þā sǣ lǣtende; sōðlice hī wǣron fisceras.
- And þā cwæð sē Hǣlend, Cumað æfter mē and ic dō inc þæt gyt bēoð sāwla onfōnde.
- And hī þā hrædlice him fyligdon, and forlēton heora net.
- And ðanon hwōn āgān hē geseah Iacobum †Zebedei, and Iohannes his brōðor, and hī on heora scype heora nett lōgodon.
- And hē hī sōna clypode; and hī heora fæder Zebedeo on scipe forlēton mid hȳrlingum,
- and fērdon tō Cafarnaum. And sōna restedagum hē lǣrde hī on gesamnunge in gangede.
- And hī wundredon be his lāre; sōðlīce hē wæs hī lǣrende swā sē þe anweald hæfð, næs swā bōceras.
- And on heora gesamnunge wæs sum man on unclǣnum gāste; and hē hrȳmde,
14. A, godspel, B, and godspell. — 16. A, geseh; A, broðer heora. — 17. a, gedo. — 18. A, nett. — 19. A, þanen; Corp., B, and zebedei, A, om. and; B, net; A, logedon. — 21. A, capharnaum, B, Capernaum; Corp. B, gancgende, A, gangende. — 23. A, gesomnunge.
