I, 411] Secundum Marcum 5
- And hē manega gehǣlde þe missenlīcum ādlum gedrehte wǣron, and manega dēofolsēocnyssa hē ūt ādrāf, and hī sprecan ne lēt, for þām hī wiston þæt hē Crīst wæs.
- And swīðe ǣr ārīsende, hē fērde on wēste stōwe, and hine þār gebæd.
- And him fyligde Simon, and þā ðe mid him wǣron.
- And þā hī hine gemētton, hī sǣdon him, Eall þis folc ðē sēcð.
- Þā cwæð hē, Fare wē on gehende tūnas and ceastra þæt ic ðār bodige; witodlīce tō ðām ic cōm.
- And hē wæs bodigende on heora gesamnungum and ealre Galilea, and dēofolsēocessa ūt ādrīfende.
Ðys [godspel] sceal on wōdnesdæg on þǣre fīftēoðan wucon ofer pentecosten.
- And tō him cōm sum hrēofla, hinne biddende, and gebīgedum cnēowum, him tō cwæþ, Drihten, gif þū wilt, ðū miht geclǣnsian mē.
- Sōðlīce sē Hǣlend him gemiltsode, and his hand āþenode, and hine æthrīnende †þus cwæð, Ic wylle; bēo ðū geclǣnsod.
34. A, mislicum; A, deofelseocnyssa. — 38. A, þær; B, witolice. — 39. A, gesomnungen; A, ealle; A deofelseocnyssa. — 40. B, biddend; B, cweowum (changed into cneowum). — 41. A, aþenode; Corp., B, and þus, A, om. and.
