II, 14] Secundum Marcum 7
- Sōðlīce ðā sē Hǣlend geseah heora gelēafan, hē cwæð tō þām laman, Sunu, þē synt þīne synna forgyfene.
- Þār wǣron sume of ðām bōcerum sittende, and on heora heortum þencende,
- Hwī spycð þēs þus? hē dysegað; hwā mæg synna forgyfan būton God āna?
- Ðā sē Hǣlend þæt on his gāste oncnēow, þæt hī on swā betwux him þōhton, hē cwæð tō him, Hwī ðence gē þās ðing on ēowrum heortan?
- Hwæðer is ēðre tō secgenne tō þām laman, Þē synd ðīne synna forgyfene; hwæðer þe cweðan, Ārīs, nim ðīn bed, and gā?
- Þæt gē sōðlīce witon þæt mannes Sunu hæfð anweald on eorðan synna tō forgyfanne,—hē cwæð tō þām laman,—
- Þē ic secge, Ārīs, nim þīn bed, and gā tō þīnum hūse.
- And hē sōna ārās, and beforan him eallum ēode swā þæt ealle wundredon, and þus cwǣdon, Nǣfre wē ǣr þyllic ne gesāwon.
- Eft hē ūt ēode tō ðǣre sǣ; and eall sēo menigeo him tō cōm, and hē hī lǣrde.
- And þā hē forð ēode, hē geseah Leuin
5. A, synd; B, forgifen. — 6. A, heortan. — 7. A, sprycð. — 8. A, betweox; A, heortum. — 9. A, geðre (for eðre); A, secganne; A, and nim; a, bedd. — 11. A, bedd. — 12. A, heom. — 13. A, mænigeo, B, minigeo. — 14. A, geseh; A, lefin (ui above the line).
