393
Here Awa', There Awa.'
Here awa', there awa', here awa', Willie!
Here awa', there awa', hand awa' hame',
Lang have I sought thee, dear have I bought thee,
Now I have gotten my Willie again.
Through the lang muir I have followed my Willie;
Through the lang muir I have followed him hame;
Whatever betide us, nought shall divide us;
Love now rewards all my sorrow and pain.
Here awa', there awa', here awa', Willie!
Here awa', there awa', baud awa' hame!
Come, love, believe me, nothing can grieve me,
Ilka thing pleases, when Willie's at hame.
The Bonnie Breist-Knots.
Hey the bonnie, how the bonnie,
Hey the bonnie breist-knots!
Blythe and merry were they a',
When they got on their breist-knots.
There was a bridal in our town,
And till't the lasses a' were boun',
Wi' monie facings on their gowns,
And some o' them had breist-knots.
Singing, hey the bonnie, &c.
At nine o'clock the lads convene,
Some clad in blue, some clad in green,
Wi' glancin' buckles on their sheen,
And flowers upon their waistcoats.
Forth came the wives, a' wi' a phrase,
And wished the lassie happy days,
And muckle thought they o' her claes,
And 'specially the breist-knots.
Singing, hey the bonnie, &c.
The bride she was baith young and fair,
Her neck outshone her pearlins rare;
A satin snood bound up her hair,
And flowers among her breist-knots.
The bridegroom gazed—but mair I ween,
He prized the glance of love's blue een,
That made him proud o' his sweet Jean,
When she got on her breist-knots.
Singing, hey the bonnie, &c.
