Page:Gospel of Saint John in West-Saxon.djvu/156

16. Hē cwæð eft tō him, Simon Iohannis, lufast ðū mē? Hē cwæð tō him, Gēa, Drihten; þū wast þæt ic ðē lufige. Đā cwæð hē tō him, Heald mīne lamb.^[1]

17. Hē cwæð þriddan sīðe tō him, Simon Iohannis, lufast ðū mē? Đā wæs Petrus sārig for þām þe hē cwæð þriddan sīðe tō him, Lufast þū mē? And hē cwæð tō him, Drihten, þū wāst ealle þing; þū wast þæt ic þē lufige. Đā cwæð hē tō him, Heald mīne scēap.^[2]

18. Sōð ic secge þē, þā þū gingra wǣre, þū gyrdest þē, and ēodest þǣr þū woldyst; witodlīce þonne þū ealdast, þū strecst þīne handa, and ōðer þē gyrt, and lǣt þyder þe þū nelt.^[3]

19. Ðæt hē sǣde witodlīce and tācnude hwylcon dēaðe hē wolde God geswuteligan.^[4]

Ðys godspel gebyrað on sancte Iohannis euuangelista mæssedæg.

And þā hē þæt sǣde, þā cwæð hē tō him, Fylig mē.

20. Đā Petrus hine bewende, þā gesēah hē þæt sē leorningcniht him fylide þe sē Hǣlend lufode; sē þe hlinode on gebēorscipe ofer his brēost, and cwæð, Drihten, hwæt ys sē ðē belǣwð?^[5]

1. C, om. He cwæð... lufast ðu me.
2. A, lufie; C, scep.
3. A, gingre; C, eodyst; A, woldest, C, woldyst.
4. C, witudlice; A, tacnode; C, deðe; A, C, geswutelian.
5. A, C, geseh; A, fylgde.