viii, 13]
Secundum Iohannem
43
7. Þā hig þurhwunedon hine āxsiende, þā ārās hē ūpp, and cwæð tō him, Lōca, hwylc ēower sī synlēas, wurpe ǣrest stān on hī.[1]
8. And hē ābēah eft, and wrāt on þǣre eorþan.[2]
9. Ðā hig þis gehȳrdon, þā ēodon hig ūt, ān æfter ānum; and hē gebād þār sylf, and þæt wīf stōd þǣr on middan.[3]
10. Sē Hǣlend ārās upp, and cwæð tō hyre, Wīf, hwǣr synd þā ðe þē wrēgdon? ne fordēmde þē nān man?[4]
11. And hēo cwæð, Nā, Drihten. And sē Hǣlend cwæð, Nē ic þē ne fordēme; dō gā, and ne synga þū nǣfre mā.[5]
Ðys godspel sceal on þǣre mydfæstenes wucan on sæternesdæg.
12. Eft sē Hǣlend spræc þās þing tō him and cwæð, Ic eom middaneardes lēoht; sē þe mē fyliþ ne gǣð hē ōn þȳstro, ac hē hæfð līfes lēoht.[6]
13. Ða Pharisei cwǣdon tō him, Þū cȳþst gewitnesse be ðē sylfon; nis ðīn gewitnes sōð.[7]
- ↑ A, acsiende, B, axiende; A, up; A, weorpe.
- ↑ C, omits 7 and 8 entirely; this is due to 6 and 8 having the same ending (homœoteleuton)
- ↑ A, he sylf gebad þar (changed order).
- ↑ A, up; A, B, C, hwar; B, C, synt; A, om. þa.
- ↑ A, singa.
- ↑ A, Oft (for Eft); A, fyligð.
- ↑ A, farisei; Corp., cystþ, B, C, cystð, A, cyþst (with yþ on erasure); A, sylfum.
