23. For þām cwǣdon his māgas, Hē hæfþ ylde; āxiað hine sylfne.[1]
24. Đā clypodon hig eft þone mann þe ǣr blind wæs, and cwǣdon tō him, Sege Gode wuldor; wē witon þæt hē is synful.[2]
25. And hē cwæð, Gif hē synful is, þæt ic nāt; ān þing ic wāt, þæt ic wæs blind, and þæt ic nū gesēo.[3]
26. Đā cwǣdon hig tō him, Hwæt dyde hē þē? hū ontȳnde hē þīne ēagan?
27. Hē andswarode him and cwæð, Ic ēow sǣde ǣr, and gē gehȳrdon; hwī wylle gē hyt eft gehȳran? cweðe gē wylle gē bēon his leorningcnihtas?[4]
28. Þā wyrigdon hig hine, and cwǣdon, Sī þū his leorningcniht; wē synt Moyses leorningcnihtas.[5]
29. Wē witon þæt God spæc wiþ Moyses; nyte wē hwanon þēs is.[6]
30. Sē man andswarode and cwæð tō him, Þæt is wundorlīc þæt gē nyton hwanon hē is, and hē untȳnde mīne ēagan.[7]
31. Wē witon sōþlīce þæt God ne gehȳrþ synfulle; ac gif hwā is Gode gecoren, and his willan wyrcð, þone hē gehȳrð.
