Page:Gospel of Saint Matthew in West-Saxon.djvu/29

cȳfe settað, ac ofer candelstæf þæt hit onlīhte eallum þe on þām hūse synt.^[1]

16. Swā onlīhte ēower lēoht beforan mannum þæt hī gesēon ēowre gōdan weorc, and wuldrian ēowerne Fæder þe on heofenum ys.^[2]

Ðys godspel sceal on þone ōðerne wōdnesdæg ofer pentecosten.

17. Nelle gē wēnan þæt ic cōme tōwurpan þā ǣ, oððe þā wītegan; ne cōm ic nā tōwurpan, ac gefyllan.^[3]

18. Sōþes on eornost ic secge ēow, Ǣr þām gewīte heofon and eorðe, ān i oððe ān prica ne gewīt fram þǣre ǣ, ǣr þām ealle þing gewurðan.^[4]

19. Eornostlīce sē ðe tōwyrpð ān of þysum lǣstum bebodum, and þā men swā lǣrð, sē byð lǣst genemned on heofonan rīce; sōþlīce sē ðe hit dēð and lǣrð, sē biþ mycel genemned on heofonan rīce.^[5]

Ðis godspel sceal on þone fēorðan sunnandæg ofer pentecosten.

20. Sōðlīce ic secge ēow, Būton ēower rihtwīsnyss māre sȳ þonne þǣra wrītera and sundorhālgena, ne gā gē on heofonan rīce.^[6]

1. A, eallum þam þe.
2. B, heofonum.
3. A, toweorpan; A, towearpan.
4. A, eornest, B eornust; A, B, ær þam þe gewite; A, heofen oðð eorðe; A, geweorðon.
5. A, þissum; A, heofena (twice).
6. A, ryhtwisnys, B, rihtwisnys; A, sunder-; A, ne ga ge na on heofena.