Page:Gospel of Saint Matthew in West-Saxon.djvu/42

tō mē, Drihten, Drihten; ac sē þe wyrcð mīnes Fæder willan þe on heofenum is, sē gǣð on heofena rīce.^[1]

22. Manega cweþað on þām dæge tō mē, Drihten, Drihten, hū ne wītegode wē on þīnum naman, and on þīnum naman wē ūt āwurpon dēoflu, and on þīnum naman wē worhton mycle mihta?^[2]

23. Þonne cweðe ic tō him, Þæt ic ēow nǣfre ne cūðe; gewītað fram mē, gē þe worhton unrihtwȳsnesse.^[3]

24. Eornustlīce ǣlc þǣra þe ðās mīne word gehȳrð, and þā wyrcð, byþ gelīc þām wīsan were sē hys hūs ofer stān getimbrode;^[4]

25. þā cōm þǣr rēn and mycele flōd, and þǣr blēowun windas, and āhruron on þæt hūs, and hyt nā ne fēoll; sōðlīce hit wæs ofer stān getimbrod.^[5]

26. And ǣlc þǣra þe gehȳrþ ðās mīne word, and þā ne wyrcð, sē byþ gelīc þām dysigan men þe getimbrode hys hūs ofer sandceosel;^[6]

27. þā rīnde hit, and þǣr cōmun flōd, and blēo-^[7]

1. A, hefena (second time).
2. B, Manege; A, witegodon; B, om. and on . . . deoflu (homœoteleuton; supplied by the scribe on the margin); A, awurpan; A, mycele.
3. A, unryhtwysnysse.
4. A, Eornostlice.
5. A, mycel, B, micele (first e above the line).
6. A, dysegan; A, stanceosel.
7. A, com; A, bleowon.