Page:Gospel of Saint Matthew in West-Saxon.djvu/78

54. And þā hē cōm tō his earde, hē lǣrde hig on hyra gesamnungum, swā þæt hig wundredon and cwǣdon, Hwanon ys þysum þēs wisdōm and þis mægen?^[1]

55. Witodlīce þēs ys smiþes sunu; hū ne hātte hys mōdor Maria, and hys brōþru Iacob, and Ioseph, and Simon, and Iudas?^[2]

56. And hū ne synt ealle hys swustra mid ūs? Hwanon synt þisum ealle þās þing?^[3]

57. And hig wǣron geuntrȳwsode on him. Đā sōþlīce sǣde sē Hǣlend hym, Nys nān wītega būtan wurþscype, būton on hys earde and on hys hūse.^[4]

58. And hē ne worhte þǣr manega mægena, for hyra ungelēafulnysse.^[5]

CAPUT XIV

1. On þǣre tīde gehȳrde Herodes sē fēorðan dǣles rīca þæs Hǣlendes hlīsan.

2. And þā sǣde hē his cnihtum, Þēs is Iohannes sē fulluhtere þe ic behēafdode; hē ārās of dēaþe; and for þan synd þās wundru gefremode on him.^[6]

1. A, gesomnungum; A, þyssum.
2. A, witegere (for witodlice); A, moder; A, broðra; A, iosep.
3. A, synd; A, hwanen synd þyssum; A, þing geseald.
4. A, geuntreowsode; A, weorðscype.
5. A, þar; A, heora; A, B, ungeleaffulnysse.
6. A, for þam; A, wundra gefremede.