pass the like o' that—it wad just come to their hand like the boul o' a pint stoup."
"But if this woman is a sovereign among them, why was she not able to afford me open protection, and to get me back my property?"
"Ou, wha kens? she has muckle to say wi' them, but whiles they'll tak their ain way for a' that, when they're under temptation. And then there's the smugglers that they're aye leagued wi', she maybe couldna manage them sae weel—they're aye banded thegither—I've heard, the gypsies ken when the smugglers will come aff, and where they're to land, better than the very merchants that deal wi' them. And then, to the boot o' that, she's whiles crack-brained, and has a bee in her head; they say that whether her spaeings and fortune-tellings be true or no, for certain she believes in them a' hersell, and is aye guiding hersell by some queer
