<a NAME="p063"></a>5.
BOSTON, 1887, babul l5id.
Labobs stimi nunön oles das eleblimobs in zif at fablüdi sobas, labül fiami, JAMES ROBINSON AND COMPANY. Begobs olis noetön disopenädis kopanalas e bestimön obis lesuno ko boneds olik, kelas pömetobs befulami kuladik.
James Robinson,
Peter Wilkins.
6.
[Blufapened xamas flentik, 1886.]
ODESSA, kilul 6id, I886.
Söles Lacour e Burdel, vinatedals,
Bordeaux:
Sedolsös obe dub medam Sölas Charlier e Ko., sedans in zif olsik, segun stips kösömik tedadoma olsik, sotis difik de vins e ligs kels sukoms :
| Saint Julien, yel 1878, . . . | . . . . | flads | 300. |
| Graves, vietik, yel 1855. . | . . . . | otos | l50. |
| Vve. Cliquot, . . . . . . . . . | flads | lafik | 200. |
| Chartreuse, liköf balid, . . | . . . . | liäts | 50. |
Abinoböv vemo kotenik if äkanob-la getön bonedi obik büfü fin mula at.
Besäkolsös Söli Melnikoff in Marseilles, flen e kolänan obik, dö klödat keli tedadom obik melidom; söl at egivom obe völadalisedi olsik e ekomedom levemo vinis olsik.
Spelöl das sek jäfa at balid okodom suno bonedamis nulik, blibob
dünan olsik divodikün,
Gruzentzeff
