This page has been validated.
HIGHLAND HARRY.
My Harry was a gallant gay
Fu' stately strode he on the plain,
But now he's banished far away,
I'll never see him back again.
O for him back again!
O for him back again!
I wad gie a' knockaspie's land,
For Highland Harry back again.
When a' the lave gae to their bed,
I wander dowie up the glen,
I sit me down and greet my fill,
And aye I wish him back again.
O for him back, &c.
O were some villains hangit high,
And ilka body had their ain,
Then I might see the joyfu' sight;
My Highland Harry back again
O for him back, &c.
Sad was the day, and sad the hour,
He left me in his native plain,
And rush d his much wrang'd prince john.
But, oh! he ne'er cam back again.
O for him back, &c.
