20
Muiredge to warn them in before my Lord. So the wives that had their kail eaten appeared first in the Court, complaining against Muiredge. Indeed, my Lord, said they, Muiredge is no a guid man, when he is sic an ill neighbour; he keeps black hares an' white hares, little wee brown-backed hares, wi' white arses an' loose wagging horns; they creep in at our gush holes an' does what they like; when we cry, pussie, pussie, they rin hame to Muiredge; but I'll gar my colly haud them by the fit, an' I'll haud them by the horn an' pou the hair aff them, an' send 'em hame wanting the skin, as he did Sowen Tammie's wee Sandy for codin o' his pease; he took aff the poor laddie's coat, an' sae did he e'en. And Willie said, if ye were a sow, my Lord, an' me sitting driting, and you to bite my arse, sudna I hae amends o' you for that? Od, my Lord, ye wadna hae a bit out o your arse for twenty marks: Ye maun en gar Muiredge gie ten marks to buy a plaister to heal the poor bit wean's arse again.
