( 6 )
Indeedlad, we hae nae beds but three, my wife and I, oursells twa, and the twa bits o' little anes, Willy and Jenny lie in ane, the twa lads, our twa servant men, Willy Black and Tam Ive, lie in anither, auld Maggs, my mither, and the lass Jean Tirram lie thegither, and that fills them a'. O but, says I, goodman, there is some of them fuller than others, you may let me lie with your mither and the lass; I shall lie heads and thraws wi’ them, and keep on my breeks. A good keep me, quo’ the lass, frae a’ temptations to sin, altho’ thou be but a callan, heth I’ll rather lie wi' Sannock Gardner. Hute awa, quo' the auld wife, the poor lad may lie on a battle e’ strae beyond the fire. No, no, cries the good wife, he’s no be here the night, or I'se no be here. Dear goodwife, said I, what ails you at me? If you will not let me stay, you’ll not hinder me to go where I please. Ay, ay, said she, gae where you like; then I got in beyond the fire, beside the goodman. Now, said I goodwife, I like to be here. A deil be here, an’ ye be here the night, said she. Ho, ho, said I, but I’m here first, and first com’d first serv’d, good-
