THE HISTORY
OF
W I L L A N D J E A N
------
Wha was ance like Willie Gairlace,
Wha in neeboUring toWN or farm?
Beauty's bloom was in his fair face,
Deadly strength was in his arm.
Wha wi' Will could rin or wrastle,
Throw the sledge or toss the bar,
Hap what would, he stood a castle,
Or for safety or for war.
Warm his heart, and mild as manfu,
Wi' the bauld he bauld could be;
But to friends wha had their handfu,
Purse and service aye war free.
Whan he first saw Jeanie Miller,
Wha wi' Jeanie could compare?
Thousands had mair braws and siller,
But was ony half se fair?
Kind and gentle was her nature;
At ilk place she bore the bell,
Sic a bloom, and shape, and stature!
But her look nae tongue can tell!
