22
Sweet as Rosebank's woods and river Cool, when simmer's sunbeams dart, Cam ilk word, and cooled the fever That lang burned at Willie's heart.
Silent stept he on, poor fallow, Listening to his guide before, Owre green know and gowany hallow, Till they reached the cot-house door.
Laigh it was; yet sweet, though humble; Decked wi' hinnysuckle round; Clear below Esk's waters rumble, Deep glens murmuring back the sound.
Melvill's towers, sae white and stately, Dim by gloamning glint to view; Thro' Lasswade's dark woods keek sweetly, Skies sae red and lift sae blue!
Entering now in transport mingle, Mither fond and happy wean, Smiling round a cauty ingle, Blessing on a clean hearth stane.
Soldier, welcome!---come, be cheery--- Here ye'se rest, and take your bed- Faint, waes me! ye seem, and weary, Pale's your cheek, sae lately red.
Changed I am, sighed Willie till her; Changed, nae doubt, as changed can be: Yet, alas! does Jeanie Miller Nought of Willie Gairlace see?