11
but bids gae hame to their ain parish, filthy beggar dirt; she casts a' her cauld paritch and kail to the cocks and hens, kicks the colley dogs out o' the door, ca's them filthy useless brutes, because they canna lay eggs, like hen's eggs, she's ay flyting on her lasses, hungers her servant lad, eats cocks and bens hersel, and gars the poor minister eat saut herrin.
Mag. A weel I wat then I wish be mayna turn a drucken body, for herrin maks fouk
ay dry: But weel I wat Janet, ye hae tell'd their fauts on baith the sides, an I hae, ae great faut to our minister yet, an tho' I were dead an rotten the night afore the morn, I'll neither forgi'e him nor yet forget him, a what he said o' me, that I sude be ta'en an douket for offerin to marry again, a woman at my age; an auld man, said he, ought to marry some kindly body, to keep him clean in his auld age; but an auld woman, said he, that can wash a dud sark to themsels, needs nae men: And now no Janet, I am no to ca' very auld, altho' I be stricken in years, I dinna ken ny ain age, being kirsen'd in the time of Papery, I hae the penny, tho' bare o' flesh and blood, has four good teeth before, and well willin gums in the backside, I canna gang far without a staff, an yet I wad as fain be married as whan I was fifteen year auld. O woman ! but a man is the bed is an usefu' body, they hae a sweet breath, and natural heat to keep a body warm; but an our
