3
nonday, I hae mind since there was nae Munnondays at a', an the Sabbath days was nae com'd in fashion, there was a day they ca'd Sunday came anes o' the ouk for it, we kend ay when it came, for my father cow'd ay his beard when the bell rang, and then cvery body ran to the kirk it had ony thing ado, an it were to buy saut or shune, for the chapman cheils set up a' their creims at the kirk-door, an the lasses wad a gotten keeking glasses, red snudes, needles, preens, elshin-irons, gemlets, brown bread and black saep to buy, forby sweety-wives' things, and rattlers for restless little-anes ; the men wad a bought pints o ale, an a gotten a whang of good cheese to chow a' the time a drining o't, hout, tout ay, they were braw markets on the Sundays i' the time of Paepery, we had nae ministers then but priests, Mess Johns, Black Friers, and White Friers, Monks, Abbots and Bishops, they had nae wives, yet the best o' them wad a spoken baudy language, and a kiss'd the lasses, fickle fyking bodies they were, unco ill to please, they wad a baith cursd fouk apd bless'd them, just as he pay'd them; a deed they were unco greedy o' the penny, and pray'd ay to the dead fouk, and gard the living pay them for't, and altho' they had play the loon wi' a poor hizey she durst na speak o't for her very life, for they cou'd gi' ony body o'er to the de'il when they liket: They did not gar fouks learn to read, and
