Page:Hue & cry.pdf/6

6

JAMIE.
Hech, Sirs! sad news, L———d, I am done!
My kail an' brose will now boil thin;
My gude auld breeks, that I hae worn
These lang sax years; see how they're torn!
I ettled week some o' thir days,
To haen a suit o' gude new clai's;
An' the first time I gaed to town,
I was to buy my Meg a Gown,
Wi' a new fashion'd gude black Straw,
To gar her ay look trig an' braw:
But Maggy she maun wear her Maunky,
Wi' her auld hood, coft by her aunty,
Her ragged coats and mutch to hide,
When I took her to be my bride.
The bunker Meg maun just turn out,
An' rang't a' thro' to get a clout,
My auld breeks an' my coat to mend,
Till Providence some better send;
But faith, I doubt, He'll ne'er do that,
For weel He kens I'm i' the fau't.
O curse ye, S———tt. you've ruin'd me!
An' that I'll swear until I die.

JOHNNIE.
Jamie, ye're right—I will declare
He's ruin'd you an' me, an' mair;
He's sae curs d clever, that ye ken,
That, L———d, he beats a' ither men.
But wait a wee—some gude quiet day,
By a' that's gude, I'll try a way
To lift ane safe, an' cheat them a',
An' get it snugly sent awa',———
Ah! yonder comes my Rev'ren Willie,
E'en riding on his ain black Fillie;
Sae here nae langer I can stay,
Now, Jamie, fare-ye-weel the day,