Page:Laws of the Earliest English Kings.djvu/30

72. Gif þare mycclan taan nægl of weorþeð, XXX scætta to bote.

§1. Æt þam oþrum gehwilcum X scættas gebete.

73. Gif friwif locbore leswæs hwæt gedeþ, XXX scll' gebete.

74. Mægþbot sy swa friges mannes.

75. Mund þare betstan widuwan eorlcundre L scillinga gebete.

§1. Ðare oþre XX scll', ðare þriddan XII scll', þare feorðan VI scll'.

76. Gif man widuwan unagne genimeþ, II gelde seo mund sy.

77. Gif mon mægþ gebiged, ceapi geceapod sy, gif hit unfacne is.

§1. Gif hit þonne facne is, eft^[1] þær æt ham gebrenge, ⁊ him man his scæt agefe.

78. Gif hio cwic bearn gebyreþ, healfne scæt age, gif ceorl ær swylteþ.

79. Gif mid bearnum bugan wille, healfne scæt age.

80. Gif ceorl agan wile, swa an bearn.

81. Gif hio bearn ne gebyreþ, fæderingmagas fioh agan ⁊ morgengyfe.

82. Gif man mægþmon nede genimeþ: ðam agende L scillinga ⁊ eft æt þam agende sinne willan ætgebicge.

83. Gif hio oþrum mæn in sceat bewyddod sy, XX scillinga gebete.

84. Gif gængang geweorðeþ, XXXV scill' ⁊ cyninge XV scillingas.

85. Gif man mid esnes cwynan geligeþ be cwicum ceorle, II gebete.

1. em. Thorpe. ef. H.