6. Gif priost læfe unriht hæmed oþþe fulwihte[1] untrumes forsitte oþþe to þon druncen sie þæt he ne mæge, sio he stille his þegnunge oþ biscopes dóm.
7. Gif bescoren man steorleas gange him an gestliðnesse, gefe him man ænes; ⁊ þæt ne geweorðe, buton he leafnesse habbe, þæt hine man læng feormige.
8. Gif man his mæn an wiofode freols gefe, se sie folcfry; freolsgefa age his erfe ænde wergeld ⁊ munde þare hina, sie ofer mearce ðær he wille.
9. Gif esne ofer dryhtnes hæse þeowweorc wyrce an sunnan æfen efter hire setlgange oþ monan sefenes setlgang, LXXX scætta[2] se dryhtne gebete.
10. Gif esne deþ his rade þæs dæges, Vl se wið dryhten gebete oþþe sine hyd.
11. Gif friman þonne an ðane forbodenan timan, sio he healsfange scyldig; ⁊ se man se þæt arasie, he age healf þæt wite ⁊ þæt weorc.
12. Gif ceorl buton wifes wisdome deoflum gelde, he sie ealra his æhtan scyldig ⁊ healsfange. Gif butu deoflum gelda, sion hio healsfange scyldigo ⁊ ealra æhtan.
13. Gif þeow deoflum geldaþ, VI scll' gebete oþþe his hyd.
14. Gif mon his heowum in fæsten flæsc gefe, frigne ge þeowne halsfange alyse.
15. Gif þeow ete his sylfes ræde, VI sell' oþþe his hyd.
16. Biscopes word ⁊ cyninges sie unlægne buton aþe.
