36
INE
[Ines cyninges asetnysse.][1]
Ic Ine, mid Godes gife, Wesseaxna kyning, mid geðeahte ⁊ mid lare Cenredes mines fæder ⁊ Heddes mines biscepes ⁊ Eorcenwoldes mines biscepes, [⁊][2] mid eallum minum ealdormonnum ⁊ þæm ieldstan witum minre ðeode ⁊ eac micele gesomnunge[3] Godes ðeowa wæs smeagende be ðære hælo urra sawla ⁊ be ðam staþole ures rices, þætte ryht æw ⁊ ryhte cynedomas ðurh ure folc gefæstnode ⁊ getrymede wæron, þætte nænig ealdormonna ne us undergeðeodedra æfter þam wære awendende ðas ure domas.
1. Ærest we bebeodað, þætte Godes ðeowas hiora ryhtregol [gyman ⁊] on ryht healdan.
§ 1. Æfter þam we bebeodað þætte ealles folces æw ⁊ domas ðus sien gehealdene.
2. Gild binnan ðritegum nihta sie gefulwad; gif hit swa ne sie, XXX scill. gebete.
§ 1. Gif hit ðonne sie dead butan fulwihte gebete he hit mid eallum ðam ðe he age.
3. Gif ðeowmon wyrce on Sunnandæg be his hlafordes hæse, sie he frioh, ⁊ se hlaford geselle XXX scill. to wite.
§ 1. Gif þonne se ðeowa butan his gewitnesse wyrce, þolie his hyde oððe hydgyldes.
§ 2. Gif ðonne se frigea ðy dæge wyrce butan his hlafordes hæse, ðolie his freotes oððe LX scll'; ⁊ preost twyscildig].
4. [Be ciricsceatte.]
Ciricsceattas sín agifene be scē. Martines mæssan; gif hwa ðæt ne gelæste, sie he scyldig LX scill. ⁊ be xii fealdum agife þone ciricsceat.
