10. [Be reaflac.]
Gif hwa binnan þam gemærum ures rices reaflác ⁊ niednæme dó,[1] agife he ðone reaflac ⁊ geselle LX scill. to wite.
11. [Be landbygene.]
Gif hwa his agenne geleod[2] bebycgge,[3] ðeowne oððe frigne,[4] ðeah he scyldig sie, ofer sæ, forgielde hine his were[5] [⁊ wið Godd deoplice bete].[6]
12. [Be gefangenum ðeofum.]
Gif ðeof sie gefongen, swelte he deaðe, oððe his lif be his were man aliese.
13. [Be þam þe heore gewitnesse geleogað.]
Gif hwa beforan biscepe his gewitnesse ⁊ his wed aleoge, gebete mid CXX scill.
§ 1. [(Be) hloðe.]
Ðeofas we hatað oð VII men; from VII[7] hloð oð XXXV; siððan bið here.
14. Se ðe hloþe betygen sie, geswicne[8] se[9] hine be CXX hida oððe swa bete.[10]
15. [Be herge.]
Se ðe hereteama betygen sie, he hine be his wer(illegible text)liese oððe be his were geswicne.[11]
§ 1. Se að sceal bion healf be huslgengum.
§ 2. Ðeof, siððan he bið on cyninges bende,[12] nah he þa swicne.[13]
16. [Be ðeofslæge.]
Se ðe ðeof ofslihð, se mot gecyðan mid aðe[14] þæt he hine synnigne[15] ofsloge, nalles ða gegildan.[16]
17. [Be forstolenum flæsce.]
Se ðe forstolen flæsc findeð ⁊ gedyrned,[17] gif he dear, he mot mid aðe gecyðan þæt he hit age; se ðe hit ofspyreð, he ah ðæt meldfeoh.
- ↑ Gif hwa reaflac ⁊ nydnæme binnan. . .rices gedo.
- ↑ leod. H. leodan. B.
- ↑ gebycge. H.
- ↑ frige. B.
- ↑ be his were. H & B.
- ↑ B.
- ↑ seofon monnum. H.
- ↑ geswicne. B.
- ↑ he. Bu.
- ↑ his aðe. B.
- ↑ geclensie. B.
- ↑ bendum. B.
- ↑ geswicne.
- ↑ gyldan. B.
- ↑ scyldig. B.
- ↑ gyldan. B.
- ↑ Schmid's emendation: all MSS -neð. Qui furtiuam carnem inuenerit et celatam (occultatam). Quad.
