Gi þin heorte ace[1] nim ribban & wyl on meolce drinc nygon morgenas þe bið sona sel. 7
fol. 167 a.Wið weorh man sceal niman VII lytle oflætan swylce man mid ofrað & writtan þas naman on ælcre oflætan maximianus malchus · iohannes · Martinianus · dionisius · constantinus · Serafion · þænne eft ꝥ galdor ꝥ her æfter cweð man sceal singan · ærest · on ꝥ wynstre eare · þænne on þæt swiðre eare þænne ufan[2] þæs mannes moldan · & ga þænne an mæden man to & fol. 167 b.ho hit on his sweoran & do man swa þry dagas · him bið sona sel her com in gangan · in spider wiht hæfde him his haman on handa cwæð ꝥ þu his hæncgest wære lege þe his teagean sweoran ongunnan him of þæm lande liþan · sona swa hy of þæm lande coman þa ongunnan him þa͏̋[3] colian þa com in gangan deores sweostar þa geændade heo · & aðas swor ðæt næfre þis ðæm[4] adlegan derian ne moste ne þæm þe þis galdor begytan mihte · oððe þe þis galdor ongalan cuþe · amen fiað. ¶ Her syndon læcedomas fol. 168 a.wið ælces cynnes omum & onfeallum bancoþum · eahta & twentige.
Grenes merces leaf gecnucude mid æges ꝥ hwite & ecedes dræstan smyre on þa stowe þær ꝥ sar sy. ¶ Wið omum & blegnu[m] · cristus natus ááuis[5] sc͏͞s a xps passus ááuis[5] · a xp͏͞s resurrexit a mortuis ááuis[5] sc͏͞s áá suptare poteris. ¶ wið omum & ablegnedum sur meolc wyrce cealre & beþe mid cealre eft · genim beor dræstan & sapan · & æges ꝥ hwite & ealde grut lege on wið omena fol. 168 b.geswelle. ¶ Eft wið omena geberste sitte on cealdum wætere oððæt hit adeadad sy teoh þonne up sleah þonne feower scearpan ymb þa