Boys now blaberyn bostynge of a baron bad,
In Bedlem is born be bestys, suche bost is blowe;
I xal prune that paddok and prevyn hym as a pad,
Scheldys and sperys shalle I there sowe;
My knyghtes xalle rydyn on a rowe,
Knave and chylderyn ffor to qwelle,
Be Mahound, dyng ne duke of helle,
Sowre deth his lyff xalle selle,
Suche threttes wolde me overthrowe.
Styward bolde,
Walke thou on mowlde,
And wysely beholde
Alle abowte;
Iff any thynge
Shuld greve the kynge,
Brynge me tydydge,
If there be ony dowte.
Senescallus. Lord, kynge in crowne, I go fro towne, By bankys browne I wylle abyde; And with erys lyste, Est and west, If any geste On grownde gynnyth glyde.
Tunc ibit senescallus et obviabit tribus regibus et dicit eis
Kynges iij.,
Undyr this tre,
In this countré
Why wylle ȝe abyde?
Herowde is kynge
Of this wonynge,
