Page:Ludus Coventriae (1841).djvu/21

From paradise bete hem away,
           In Bybyl as we rede.

Primus vexillator.

We purpose to shewe in the thryd pagent,
 The story of Caym and of hese brother Abelle,
Of here tythynges now be we bent
 In this pagent the trewthe to telle.
How the tythyng of Abel with feyr was brent,
 And accept to God, yf ȝe wyl dwelle,
We purpose to shewe, as we have ment,
 And how he was kyllyd of his brother so felle;
         And than
How Caym was cursyd in al degré,
Of Godys owyn mowthe, ther xal ȝe se,
Of trewe tythyng this may wel be,
            Exaw[m]ple to every man.

Secundus vexilator.

The iii.^{de} pagent is now ȝow tolde;
 The ffourte pagent of Noe xal be,
How God was wrothe with man an molde,
 Because fro synne man dede not fle.
He sent to Noe an angel bolde,
 A shyp ffor to makyn and swymmen on the se,
Upon the water bothe wood and coolde,
 And viij. sowles ther savyd xulde be.
            And j. peyre of everiche bestes in brynge.
Whan xl.^ti days the flode had fflowe,
Than sente Noe out a crowe,
And after hym he sent a dowe,
           That brouth ryth good tydyng.

Tertius vexillator.

Of Abraham is the fyfte pagent,
  And of Ysaac his sone so fre,