6 The Frenohmen thae ill-deedy bodies, Wha never war’ sound at the bane, Wi' hearts maist as black as a kettle. An’ o’ their auld trick unca fain ; Wi’ fleechin' an' Hornie’s assistance, Gart heavy-a—'d Dutchmen agree. Their ships a' wi' haste to untether. An' meet Edie Duncan at sea:— While Britons, &c.
But folk little ken, whan they travel, What luckless mishaps may befa', Or the Dutchmen wad ne’er been sae doitet As ventur’d frae Holland ava'; For Duncan sae wylie an’ cunnin'. Lay watchin' the time to begin. Then bellyflaught bang’d in upon them, An' gied them a weel licket skin. While Britons, &c.
Wi’ legs snappet aff—broken noddles— (my fegs ’twas a sad revel’d pirn)! The Dutchmen endeavour d to rin for't, But land themsel'es snib’d in a girn ! They lookit like grysies new sticket, Whan sicean mishanters they saw,
