Page:Medicina de quadrupedibus.djvu/60

fefore oꝥꝥ on æniȝe adle; heo [him] fram ahyldeþ ⁊ life (s) tyd hẏm ofer bẏð, ⁊ þeah hit micel adle sẏ, raðe heo aweȝ ȝewyteþ. Meng his blod wið litel sealte horsa ⁊ mule ⁊ alcen fuþer-fæte neate þe on wole winnon oꝥꝥ on æniȝun ẏfele, do ðurh horn on muþe æfter^[1] þas deores mihte ⁊ efne embe^[2] ðreo niht; hẏ beod hæle. His braȝen ȝeseoð on þrẏm sestrum eles on niwen croccen *oð^[3] ðat *þrẏdda^[4] dæl si bewealled; fætelsa, ⁊ heald hẏt. Gif hwa si on heafod-wræce *after^[5] baðe smyre mid þam on þrẏm nẏhtum, he byð ȝehæled, eac þa fet, ⁊ þeah man sẏ on hwẏlcere *unȝewendendlicre^[6] adle ⁊ *unhalwendlicre,^[7] seo *wise^[8] hẏne hæled ⁊ læcned. Nim hẏs lifre ⁊ todæl ⁊ bedelf æt þan ẏmbhwẏrftum *þinra^[9] land-ȝemare æt ðinum burh-staþela, ⁊ þe heortan æt ðinum bur-gatun behele: þanne þu ⁊ þine beoð alisede hale to ȝefarenne ⁊ *ham^[10] to cumende; [Cock. p. 330]eal wol bẏd *aweȝ^[11] ⁊ astẏred, ⁊ ꝥ ær ȝedon wæs naht ne sceþþes, ⁊ bẏð litel frecne fram fẏre. Cuþ [ys] eac ꝥ his hid ys De lepore medi-
cinabrice^[12] hundun ⁊ eallum fuþer-fæte nitennum wid woles ȝewinne on to donne. Hafa *þære^[13] hẏde *fellsticceo^[14] an þinum *sceon,^[15] ne ȝefelest þu ȝewin þine fotun. Ðu halgusta casere ic wylle ꝥ þu ȝelife ꝥ þis wyldeor wel fremeð ȝif [þu] þine clænsung-dæȝes þar þu farst ȝeond eorþan embehwẏrft his flæsc ȝesoden etest ⁊ þiȝest: hẏt bẏd god þe ⁊ þine weredun till. Gif hwam hwæt hifeles ȝedon byð ꝥ he ne maȝe his wif-lusta brucan seoðe þanne his sceallan on hyrnende wille-wætera ⁊ on huniȝe ⁊ þicȝe þanne fæstende þri dæȝes;

1. ms. æ æfter.
2. ms. a embe.
3. ms. to.
4. ms. þryddan.
5. ms. æft (s).
6. ms. unȝewendedlicre.
7. ms. unhalwenlicre.
8. ms. wysa.
9. ms. linra.
10. ms. hale.
11. ms. areȝ.
12. ms. byr brice, byr struck off.
13. ms. hara.
14. ms. felsacceo?
15. ms. seon.