Page:Medicina de quadrupedibus.djvu/68

Medicina de lepore.

Wið oferslæpe hara braȝen [on wine] ȝeseald to drince wunderlice hyt beteð. Wið eaȝena sare hara lungane on ȝesetted ⁊ þær-to ȝewrẏþan:^[1] wunderlice þat sar bẏð ȝehæled. Wið fot-swulan ⁊ sceþþum hara *lungen^[2] ufan ⁊ neoþan toȝewriþen: wunderlice þa gangas beoð ȝehælede. Þan wẏfam þe hẏm hẏra beorðor losie haran heortan adriȝe ⁊ wẏrc to duste ⁊ þriddan dæl receles dustes, sẏle drincan seofan dæȝes on scirum wine. Þam þonne *þe^[3] hit oft [Cock. p. 344]oþfealleð þritiȝ dæȝe ȝe on wine ȝe on wyrtunge. Ðon^[4] þam wifum þe after beorðre on sumum stowum swincon ꝥ ẏlce do to drencȝe fastende on wa (e)rme wætere: sona hit byð ȝehæled. Wið eaȝena dimnesse hara ȝeallen^[5] wið huni ȝemenged ⁊ mid ȝesmired: þa eaȝene ȝebeorhtiȝed. Wið blædran sara hara sẏna ȝedriȝede [⁊ mid sealte ȝebrædde ⁊ ȝehẏrste sceaf on his drinc: wundorlice hẏt hæleþ. Wið attorcoppan bite haran sina ȝeȝẏre] ⁊ him sile ðicȝean; eac hit *is *æltæwe^[6] ȝif hi man hreawe swelȝeð. Eac wið wæ (l)ten hi beoð gode ȝesodene. Wið feallendum fexe^[7] hara wamba seod oþþe bræd on^[8] *pannan^[9] on gode ele, smere (y) ꝥ fex ⁊ ꝥ heafod: þanne nimed ꝥ fex to ⁊ seo sealfe ȝenẏdeð ꝥ hit wexeð. To þan ꝥ wẏf cenne wæpned cẏld hara hrif^[10] ȝedriȝed ⁊ *ȝesceafen^[11] oððer^[12] ȝecniden on drinc drincen butu; ȝẏf ꝥ wif ane hit^[13] drinceð, þanne cenþ heo androȝinem: [Cock. p. 346]ne byð ꝥ to nahte, naþer ne^[14] wer ne wif. Eft to þan ẏlcan hara sceallan wife *æfter^[15] hẏre clænsunge sile on wine drincan: þan cenþ heo wæpned cy (u)ld. Wid ꝥ cẏldum butan

1. ms. ȝewy (r) | wryþan, the second part of the first word underlinded.
2. ms. lungum.
3. ms. he.
4. ms. Da Don, with hars across the second part of the D in both cases.
5. ȝeallen (V has ȝeallan), an error for ȝealla.
6. ms. his ealtewa.
7. ms. fexe feallendum, fexe between two “||”-signs, obviously meant to mark that it is to be placed after feallendum.
8. ms. an?
9. ms. pannum.
10. ms. r i hrif.
11. ms. ȝesceawen.
12. ms. odðer.
13. ms. hit hyt.
14. ms. naþer to ne.
15. ms. afte.