(3)
they, besides a bap to you at Bristo Port, sir. What the deil did ye nae sey to tip the maggot lead on her, sir?
Son I was wanting to do that father, but she said they were maggot: maggot said I, there's nae mair maggot about them, nor what's about ye're auld arse, ye bitch, wha deil do ye mock, think ye? when they're good Gilmorton parrot.
Father. Od the laddie has some sense for a' that, tho', what t'deil; I think ye're cloven fitted, whare deil hae ye steal'd them—I fancy ye've taen em at a Willie Meekison's stand; I see their a pair o' Fish market anes: What deil, I think the callint's turn't corporate, what deil's made ye siyck a kyte ye dirten bitch that ye're?
Son I'm sure a dinna a' get naething frae you to mak me sae fat.
Father. What sir? de ye tell me that, when I ga you a peale bannock before ye came frae home this morning; besides a bap and a mutchkin o' ale t'ye at Mayfield loan sir; what deil wad ye hae, yor'se to be a glutton sir, wad уe?
Son. Am sure I got nae mair a day, yesterday, when I was at Loan head coal but a peas-bannock till a came hame at at night; but ye, when ye sit down the deil canna raise ye; and then ye'll come hame as fu' as the baltick, threshing us like auld Bassy, that was shot to dead last winter.
Father. Is that a the reverence ye gie to ye're father sir? Od if I gie ye sic a whithrekin, I'll gar ye're jaw banes ring, like the clattering banes of an auld chair mans lanthorn: deil nor ye're mither had snapit the head aff ye for my share.
Son. Am ſure its very true father, when you was down i' the barbers a Nidderys wynd, ye was like to tell me, because ye fell aff the cart, and gae me the wyte o't.
Father. What deil, will ye provoke me yet sir? Od if I gie ye sic a whithrekin, a'll gar the red ink
