(5)
In Fœminam post Patibuli cruciatus reviviscentem.
LVgete Cives lugubre lugubres;
Ridete Cives ludicra ludicri:
Lugete defunctam puellam;
Plaudite, nunc rediviva prodit.
Jam non stupendum sentiat Orphea
Mendax vetustas: Eurydicen neq́ꝫ
Miretur ex imo barathro
Threicio revocâsse plectro.
Quæ penè sedes viderat inferas,
Et nigra seva regna Proserpinæ,
En! fata deludens cruenta,
Rursus adest, tumulumq́ꝫ fugit.
Flevere Manes, queis comes altera
Evasit, ipsum destituens suo
Naulo Charontem, dum catervâ
Cymba gemit levior minori.
Hæc damna mœrens, ora latrantia
Compressit Orci Ianitor: & suum
Loqui dolorem nescientes
Tartareæ silüere lymphæ.
Mors, cui potentum spicula Cæsarum
Ducumq́ꝫ sigunt colla minacium,
Quâ fronte posthac tela promes
Fœmineo modò lusa sexu?
Ad Medicos, dissecandum corpus vitæ restituentes.
Efficitis sanum corpus, lacerare parati:
Et mox fit mulier quod modò funus erat.
Per vos posse mori viventes ante sciebam:
Jam per vos cæsos vivere posse scio.
