on heora heorten, þæt heo þone Hælend onhengen? And þu nu þurh þære rode treowe ealle þine blisse hæfest forspilled. Nu þu hæfest yfele gedon ongean me and ongean þe, and þu forð to domes dæige scealt beon þuss gebunden, and feala ece tintregen on me geðrowigen and on cwicsusle beornen.' Þa þæt Crist geherde, hwu seo helle þone deofel, Beelzebub, mid mycele gryre geðreatode and mid worde tyrwede, þa cwæð he: 'Beo nu se deofol, helle ealdor, on þinen anwealde, and git bute on forspillednysse aa buten ænde.' "And se wulderfulle Cyng aðenede his hand and cwæð: 'Ealle mine halgen þe mine gelicnysse habbeð, cumeð to me.' Þa ealle þa halgen genelæhten to his hande, and se Hælend þa Adam [Fol. 99a] beo þære rihthand genam and him to cwæð: 'Sib seo mid þe, Adam, and mid þinen bearnen.' Adam wæs þa nyðer feallinde and þæs Hælendes cneow cyssende and mid tearengeotende [halsunge], and mid stefne clypigende and þuss cweðende: 'Ic herige þe, heofona Hlaford, þæt þu me of þyssere cwicsusle woldest onfon.' Se Hælend þa his hand aðenede and rodetacne ofer Adam geworhte and ofer ealle þa oðre halgen; and he Adam beo þære swyðre hand fram helle ateah and his þa gecorena." And Dauid cwæð: 'Singeð ealle halgen ure Drihtene neowne sang.' And heo sungan: 'On doxa wyste uoysena. Alleluia. Alleluia.'
Page:Old English Gospel of Nicodemus - Hulme 1904.djvu/29
Jump to navigation
Jump to search
This page needs to be proofread.
The Old English Gospel of Nicodemus
29
![](http://upload.wikimedia.org/wikipedia/commons/thumb/6/64/Old_English_Gospel_of_Nicodemus_-_Hulme_1904.djvu/page29-1024px-Old_English_Gospel_of_Nicodemus_-_Hulme_1904.djvu.jpg)