APPENDIX.
215
The text of the Brief runs thus:—
'Sanctissimi Domini Nostri PII, Divina Providentia PAPÆ IX. litteræ Apostolicæ quibus Hieronymus D'Andrea Cardinalis suspensus declaratur ab insignibus et privilegiis Cardinaliliæ dignitatis aliaque in eum decernuntur.
PIUS PP. IX.—Quamquam Illius Nos gerentes in terris vices, qui patiens et misericors est, benignitatem clementiamque libenter sequamur, tamen quia judicium et justitiam facere Apostolici etiam muneris esse intelligimus, ad evellenda, quæ in perniciem fidelium suboriantur, scandala, eorumque auctores compescendos supremæ nostræ auctoritatis vim et robur exerimus. Id nos spectantes jam inde ab anno proxime superiori 1866, per similes in forma Brevis Litteras, die 12 mensis Junii datas, auditis antea Venerabilibus Fratribus Nostris S. R. E. Cardinalibus, de eorumdem consilio omne jurisdictionis exercitium in spiritualibus ac temporalibus tam in Ecclesiam Sabinensem, quam in Abbatiam Sublaquensem ad nostrum et