224
APPENDIX.
volumus et mandamus. Præterea memorato Cardinali D'Andrea trium mensium peremptorium terminum adsignamus, a datis hisce Nostris Litteris computandum, infra quem non per procuratorem sed personaliter et cum effectu coram nobis et hac Apostolica Sede sistere se debeat ad recipienda humiliter mandata Nostra. Quo termino inutiliter elapso, ad declarationem privationis Cardinalatus, Episcopatus sui Cardinalatus, nempe Sabinensis, nec non Abbatiæ Sublaquensis, aliorumque Beneficiorum, quibus ipse fruitur, deveniemus.
'Hæc volumus ac mandamus, decernentes has litteras etiam ex eo quod illi quorum interest, minime consenserint, et ex alia quacumque causa ullo unquam tempore de subreptionis aut obreptionis vitio, sive intentionis Nostræ defectu impugnari posse, sed ipsas præsentes litteras firmas, validas et efficaces existere et fore, suosque plenarios effectus sortiri et obtinere, et ab omnibus ad quos spectat seu spectabit inviolabiliter observari; sicque et non aliter per quoscumque quavis auctoritate et potestate fungentes sublata eis aliter judicandi et interpretandi facultate, judicari et definiri debere, atque irritum futurum et inane si secus super his a quocumque quavis auctoritate scienter vel ignoranter contigerit attentari. Non obstantibus nostra pt Cancellariæ Apostolicæ regula de jure quæsito non tollendo, nec non quibusvis etiam in Universalibus Conciliis editis Constitutionibus aliisque ordinationibus etiam favore Cardinalium evulgatis, privilegiis quoque et indultis, quibuscumque person is quavis dignitate etiam Cardinalitia fulgentibus concessis, et pluries etiam