maist awfu' dreich in his sermons, though when he's that wearisome a body canna heed him wi'oot takin' peppermints to the kirk, he's nane the less, at seeventy-sax, a better mon than the new asseestant. Div ye ken the new asseestant? He's a wee-bit, finger-fed mannie, too sma' maist to wear a goon! I canna thole him, wi' his lang-nebbit words, explainin' an' expoundin' the gude Book as if it had jist come oot! The auld doctor's nae kirk-filler, but he gies us fu' meesure, pressed doun an' rinnin' over, nae bit-pickin's like the haverin' asseestant; it's my opeenion he's no soond, wi' his parleyvoos an' his clish-maclavers! … Mr. C?" (Now comes the shaking and straightening and smoothing of the first blanket.) "Ay, he's weel eneuch! I mind ance he prayed for our Free Assembly, an' then he turned roun' an' prayed for the Estaiblished, maist in the same breath,—he's a broad, leeberal mon is Mr. C! … Mr. D? Ay, I ken him fine; he micht be waur, though he's ower fond o' the kittle pairts o' the Old Testament; but he reads his sermon from the paper, an' it's an auld sayin', 'If a meenister canna mind [remember] his ain discoorse, nae mair can the congregation be expectit to mind it.' … Mr. E? He's my ain meenister." (She has a pillow in her mouth now, but though she is shaking it as a terrier would a rat, and drawing on the linen slip at the same time, she is still intelligible between
