THE BRIDE'S TRAGEDY.
163
'And winna ye bide, sae saft ye ride,
And winna ye speak wi' me?
For mony's the word and the kindly word
I have spoken aft wi' thee.'
In, in, out and in,
Blaws the wind and whirls the whin.
'My lamp was lit yestreen, Willie,
My window-gate was wide:
But ye camena nigh me till day came by me
And made me not your bride.'
In, in, out and in,
Blaws the wind and whirls the whin.
He's set his hand to her bridle-rein,
He's turned her horse away:
And the cry was sair, and the wrath was mair,
And fast and fain rode they.
In, in, out and in,
Blaws the wind and whirls the whin.