POEMS.
37
SONG.[1]
At true Luve's bidding, wilt thou gae,
To yonder holme sae lee, lassie,
Whare Avon wimples roun' the brae,
And live wi' luve and me, lassie ?
To yonder holme sae lee, lassie,
Whare Avon wimples roun' the brae,
And live wi' luve and me, lassie ?
I canna gang, I darena gang,
I'm rede o' luve and thee, laddie;
My Minnie's gear is a' gane wrang,
She downa tocher me, laddie.
I'm rede o' luve and thee, laddie;
My Minnie's gear is a' gane wrang,
She downa tocher me, laddie.
The diamonds in thy bonny een,
Are wealth eneuch for me, lassie,
And Grandeur, busked in silken sheen,
Shall envy you and me, lassie.
Are wealth eneuch for me, lassie,
And Grandeur, busked in silken sheen,
Shall envy you and me, lassie.
- ↑ Tune—Bessy Bell and Mary Gray.
