Page:Posthumous poems (IA posthumousswinb00swin).pdf/45

Or shall we be wroken a great way off,
 Or even whereas we stand?"

And up it spak him, foul Borolallie,
 Between the tree and the leaf o' the tree;
"Ye maunna be wroken of Lord Soulis
 By land neither by sea;
Between red fire and wan water
 Weel wroken ye shall be."

And up it spak him, foul Borolallie,
 Between Lord Soulis and them a':
"Ye maunna be wroken of Lord Soulis
 Betwixen house and ha';
But ye maun take him to the Ninestane rigs
 And take his life awa'."

They have taken him to the Ninestane rigs
 His foul body to slay;
Between the whins and the whinstanes
 He had a weary way.

They have taken him to the Ninestane rigs
 His foul body to spill:
Between the green broom and the yellow
 He gat a bitter ill.

They had a sair cast with his foul body,
 There was nae man wist what to do;
"And O gin his body were weel sodden,
 Weel sodden and suppit in broo!"

13