4
waur time, for they're neither meat nor siller in the house; and hoo to get her decently aneath the yird I'm sure I dinna ken." "Dinna vex yoursel' about that," qou' the Laird, (giving'him some money,) "there is a trifle for you, in the mean time, and come up to the house by and by and I shall see what can be done for you" Habbie thanked the Laird for his kindness, bade him guid day, and cam' awa hame gayen weel pleast wi' what he had gotten, and sen's Janet awa wi the bottle for mair whusky, to carry ou the spree. In the mean time, hame gangs the Laird, whar the first thing he heard, was, that Habbie Simpson was deed. "Na na," quo he, "its no Habbie; its only Janet" "Its Habbie" quo' the Lady "wasna Janet here this morning hersel', and telt me?—and didna she get awa some speerits and biscuit, as she said there was naething in the house?" And didna I meet Habbie, jist as I was comin' hame, when he telt me Janet was deed. Bit a see how it is—they are at their auld tricks again. Bit come, wee'l awa to Habbie's, and see what they are about." In the mean time, Habbie and Janet are fuddlin' awa in fine style, and lauchin' heartily at the way they had raised the wun, when Janet cries, "gude preserve, us Habbie, what's to be dune noo: I declare if thats no the Laird and the Lady; and they are comin' straught in here." "I dinna ken" quo' Habbie "what to do, unless we be baith deed." Sae in the bed they gaed; an' they were nae suner doon, than the Laird and Lady cam in, and seeing Habbie and Janet in the bed. he says, "waes, me isna that an awfu' sicht to see; the man and the wife baith deed,—bit I wud gie five shillings this moment, for to ken which of the twa deet first." The words were nae suner oot o'his mouth, than up jumps Habbie, cryin
