( 8 )
 | An image should appear at this position in the text. To use the entire page scan as a placeholder, edit this page and replace "{{missing image}}" with "{{raw image|Recruit's farewell to his wife and three children.pdf/8}}". Otherwise, if you are able to provide the image then please do so. For guidance, see Wikisource:Image guidelines and Help:Adding images. |  |
JOHNNY BLUSTER’S WIFE.
TUNE— WILLY WASTLE DWALT ON TWEED.
Johhny Bluster dwalt on Clyde,
The place they ca'd it Traddletony;
Johnny was a joiner gude,
Nane cou’d weild a plane like Johnny.
Lizie Painch was Johnny’s wife,
An' silly Matty was her mither:
Sic a wife as Johnny had,
I wadna gie a button for her.
Johnny was ance ha’f in love,
His fancy was by beauty haunted;
Heav’n shone in Johnny’s e’e—
But no the heav’n Johnny wanted:
For Johnny courted Lizie Painch,
’Cause Lizie Painch she had the siller.
But sic a wife as Lizie Painch,
I wadna gi’e a button for her.
Lizie’s face was like the moon,
Her shouther’s maist as braid as Samson's;
Her very picture's like the sign
That hings aboon auld Robin Thamson's.
But de’il a prin does Johnny care,
Were Lizzy like the Witch o' Endor;
Johnny fattens on her gear—
He wadna gi’e a button for her.
GLASGOW,
Printed by J. and M. Robertson, Saltmarket, 1803.
