PREFACE OF THE "TEGLICHS GESANGBUCH" OF ADAM REISSNER. 1596. (No. VI.)
VORRED.[1]
In disem Buech seind die gaistliche gsanng des Gottesgelehrten Christen manns, mit Namen Aurelius Prudentius, die er diurnarum precum opus sive diurnale, das ist Teglichs gsanngbuech genannt, die man alle tag vnnd alle stund, zu morgens und zu abends, mag singen vnnd betrachten, in Lateinischen versen geschriben hat, jeczt mit allem fleiss verteutscht worden, nachmals auch gsang vsz hailiger schrifft vnnd andere gaistliche Lieder, zum Lob gottes, vnnsers Herrn Jesu Christe, des ainigen Seligmachers, vnnd alien christ-gleubigen zur beszerung vnnd zur teglichen übung zusamen geschriben.
Dise gsanng vnnd reimen sein nit so gering ding, vie man mecht achten, oder obhin ansehen, dann hierausz mag der Gottszförchtig mensch lernen, was die siind vnnd gnad ist, was der fluech vnnd der segen, was die verdamnus vnnd seligkait, was tod vnnd leben, was hell vnnd himel, jnn Summa, was der verfürer Satan, vnnd dargegen der ainig Hailmacher Christus jst.
Es jst disz gsanngbuech fürnemblich nucz vnnd dienstlich alien Hauszleuten, die sich bekeren vnd jn himel trachten, Mannen, Weibern, Junckhfrawen vnnd Kindern, insonnderhait auch Hanndt-werkhs-leuten, die den ganczen tag ob der arbait müessen siczen, würckhen vnd spinnen, die miigen alle Zeit, guette iibung, guete gedanckhen vnd hailsame betrachtung haben, vnnd dardurch zum selig-machenden erkanntnis Jesu Christj (an welchem allein die ewig seligkait gelegen) gefuhrt werden, Sonnderlich wann sie dise Lieder auszwendig lernen, jn gedechtnus fassen, sich selbs der wolthaten Gottes erjnnern, erfreuwen vnnd den zuhörern im Nachgedenckhen machen, vnnd also alle menschen vrsach haben, jrm hail vnnd seligwerdung nachzutrachten, aller schwermüetigkait vnnd Anfechtung widerstannd thuen.
Hierzu well der Herr Christus sein Segen vnd frid geben, das es jederman lese vnnd bedenckhen, sonnderlich zu diser gefehrlichen Zeit, da schier Niemandts waist wa ausz vnnd an, so doch allertrost,
- ↑ Reprinted from Wackernagel, Vol. I.
