Page:Scotch proverbs, or, The wise sayings of the old people of Scotland.pdf/19

The higher up the greater fa’.
The king's errand may come in the cadger's gate.
The langer we live we see the mair fairlies.
The lazy man's the beggar's brother.
The lucky pennyworth sells soonest.
The langest day will have an end.
The laird may be laiad and need his hind's help.
The mair ye greet ye'll pish the less.
The mair the merrier, the fewer the better chear.
The mair cost the mair honour.
The mawt is aboon the meal wi’ him.
The mair noble the mair humble.
The master's eye makes the horse fat.
The mair mischief the better sport.
The pains o'ergangs the profit.
The poor man's ay put to the warst.
The poor man pays for a’.
The poor man's shilling is but a penny.
The strongest horse loups the dike.
The scholar may war the master.
The still sow eats up a' the draff.
The smith has ay a spark in his hawse.
The simple man's the beggar's brother.
The thing that's done is no to do.
The tod keeps ay his ain hole clean.
The tod's whelps are ill to tame.
The worth of a thing is best kend by the want o't.
The warld is bound to no man.
The unlucky fish gets ay the unlucky bait.
There is mony a true tale tald in a jest.
There is a measure in a’ things.
There is nane sae blind as them that winna see.
There is naething ill said that's no ill tane.
There was never a fair word in flyting.
There was a wise wife that kept her supper for
⁠her breakfast and she was dead or day.
There was never enough where naithing was left.
There is skill in gruel-making.
There is a time to gley and a time to look even.
There is a great differ amang market-days.