Page:Seven love songs.pdf/6

6

Weel may I sing, thae days are gane,
Frae kirk or fair I come alane;
While my dear lad maun face his faes,
Far, far frae me on Logan braes.

---

Thou hast left me ever.

Thou hast left me ever, Jamie,
 Thou hast left me ever.
Thou hast left me ever, Jamie,
 Thou hast left me ever.

Aften thou hast vowed that death
 Only should us sever;
Now thou’st left thy lass for aye;
 I maun see thee never, Jamie,
 I maun see thee never.

Thou hast me forsaken, Jamie,
 Thou hast me forsaken,
Thou hast me forsaken, Jamie,
 Thou hast me forsaken,

Thou canst love anither jo,
 While my heart is breaking,
Soon my weary een I’ll close,
 Never mair to waken, Jamie,
 Never mair to waken.

---