3
And you the foremost o' them a'
Shall ride, our foremost queen:”
But aye she loot the tears down fa'
For Jock o' Hazeldean.
The kirk was deck'd at morning tide,
The tapers glimmer'd fair,
The priest and bridegroom wait the bride,
And dame and knight are there.
They sought her baith by bower and ha',
The lady was not seen;
She's o'er the border and awa’,
Wi' Jock o' Hazeldean.
THIS IS NO MY AIN LASSIE.
This is no my ain lassie,
Fair though the lassie be;
O well ken I mine ain lassie,
Kind love is in her ee.
I see a form, I see a face,
Ye weel may wi' the fairest place;
It wants to me the witching grace,
The kind love that's in her ee.
O this is no, &c.
She's bonny, blooming, fresh and tall,
And lang has had my heart in thrall,
And aye it charms my very saul,
The kind love that's in her ee.
O this is no, &c.
